SKAUTI WAFANYA ZIARA IPP MEDIA

Ijumaa, 2 Desemba 2016

SKAUTI WAFANYA ZIARA IPP MEDIA

Skauti wakiwa katika chumba cha habari cha magazeti ya The Guardian

Na Rehema Ramadhani

Dar es salaam; Chama cha Skauti Tanzania kiliambatana na Skauti kutoka Poland, Kenya na Burundi ambao ni washirki wa mafunzo maalum ya Public Relation, mapema jana 1/12/2016 walifanya ziara na kujione kazi mbalimbali zinazofanywa na kampuni ya IPP Media iliyopo Mikocheni Jijini Dar es Salaam.

Akizungumza na wanachama wa Skauti Tanzania, Msemaji wa Chumba cha Habari Magazeti ya The Guardian na Nipashe Bw. Faustin Felisian amesema wamefarijika na ujio huo wa wanachama kutoka Skauti kwa kuja kujifunza na kuona jinsi gani habari zinavyoandaliwa mpaka gazeti linapotoka mitaani.

“Tumefarijika sana kwaujio wenu katika chumba chetu cha Habari kwani ni jambo jema kujifunza na natumai wapo amabo watavutiwa na vinavyofanyika na wengine watatamani kuwa wana habari hapo baadae” alisema Bw. Felisian.

Mmoja wa wanachama wa Chama cha Skauti Tanzania Ndg. Murtadhwa Rashid amesema kuwa ziara hiyo katika chombo cha habari imekuwa ya mafanikio na faida kwao kwani wamepata fursa ya kujionea mambo mbalimblai yahusuyo uandishi wa habari.

“Tumefurahi kwa kupata elimu na tumepokelewa vizuri IPP Media. Tuna mipango ya kuifikisha Skauti yetu mbali kwa malengo ya vijana wa Taifa letu na tunawakaribisha watu wote waje kwenye uskauti tujifunze kwa pamoja” Alisema Ndg. Murtadhwa Rashid .

Picha na Nelson Opany na Ausi Hussein